لایەنە سیاسییەکانی ھەرێم و نوێنەری تایبەتی نەتەوە یەکگرتووەکان لە عێراق کۆبوونەوە و گفتوگۆ کرا لەسەر ئامادەکاریی بۆ ھەڵبژاردنی داھاتووی پەرلەمانی کوردستان و ھەوڵدان بۆ لەیەک نزیککردنەوەی بیروبۆچوونی لایەنەکان لەسەر یاسای ھەڵبژاردن و کۆمسیۆنی باڵای سەربەخۆی ھەڵبژاردنەکان و ڕاپرسی.

سەرجەم ئامادەبووانیش کۆک بوون لەسەر زەروورەتی ئەنجامدانی ھەڵبژاردنێکی سەرکەوتووانە بە ‌جۆرێک کە بەرژوەندیی ھەرێمی کوردستان و برەودان بە پرۆسەی دیموکراسی لە سەروو ھەموو بەرژەوەندییەکان بێت.