قوباد تاڵەبانی جێگرى سەرۆکی ئەنجومەنى وەزیران، رۆژی دووشەممە 24/1/2022، لە‌ هەولێر لە‌گە‌ڵ دەیڤد هانت کونسوڵى گشتیی بەریتانیا لە‌ ھە‌رێمی كوردستان كۆبۆ‌وە‌ و تاوتوێى دوایین گۆڕانکارییەکانی سەر گۆڕەپانی سیاسیی هەرێمی کوردستان و عێراق کرا بە تایبەت پرسی پێکهێنانی حکومەتى نوێی عێراق و یەکلاکردنەوەى پۆستەکان، هەردوولاش کۆک بوون پێویستیی گرتنەبەرى رێگاى دیالۆگی بنیاتنەرانە و هەوڵى لێکنزیککردنەوەى بۆچوونی لایەنە سیاسییەکان بدرێت و چەمکی تەوافوق و کارى پێکەوەیی بکرێتە بنەماى کارکردن بۆ پێکهێنانی حکومەتێکی نوێی خزمەتگوزار.