لە بارەگای مەکتەبی سیاسیی یەکێتیی نیشتمانیی کوردستان لە شاری هەولێر، دەرباز کۆسرەت رەسوڵ کارگێڕی مەکتەبی سیاسی و قوباد تاڵەبانی سەرپەرشتیاری سکرتاریەتی سەرۆک مام جەلال لەگەڵ بۆردی حکومەت و پەرلەمان کۆبوونەوە.

لە کۆبونەوەکەدا جەختیان لەوە کردەوە کە یەکێتیی لەپێناو مافەکانی خەڵک و حوکمڕانییەکی تەندروست هەموو هەنگاوێک دەگرێتەبەر و هەمووان هاوڕا بوون کە یەکێتییەکی یەکدەست و یەکگوتار دەتوانێت بەرەنگاری هەموو ئاڵنگارییەکان ببێتەوە و زاڵ بێت بەسەر کێشەو گرفتەکان و هەنگاو بنێت بۆ کۆتایی هێنان بە قۆرخکارییەکان.