لە کۆبوونەوەی قوباد تاڵەبانی جێگری سەرۆکوەزیران لەگەڵ مەمەد مەولود یاکوت کۆنسوڵی گشتی تورکیا تاوتوێی دۆخی سیاسی هەرێم و پەیوەندییەکانی نێوان هەولێر و بەغدا کرا و تاڵەبانی ڕایگەیاند: نابێت لەوە زیاتر هەڵبژاردن دوابکەوێت، لەوەش گرنگتر ئەوەیە ئامادەکاری بکرێت بۆ بەڕێوەچوونی هەڵبژاردنێکی پاک و بێگەرد بەپێی ستانداردە نێودەوڵەتییەکان. 

قوباد تاڵەبانی ئاماژەی بەوەشکرد کە ئامانجیان بەڕێوەچوونی هەڵبژاردنێکی پاک و بێگەردە بۆ ئەوەی متمانە بۆ دەنگدەرانی هەرێمی کوردستان بگەڕێتەوە و مافی هەموو پێکهاتەکانیش تیایدا پارێزراوبێت.