ئەمە دیدگای قوباد تاڵەبانییە کە لە چەند ساڵی رابردوودا لە کۆڕ و کۆبوونەوەی جیاوازدا قسەی لەسەر کردووە.

لە کۆبوونەوەی لەگەڵ ڤیللە ڤاریۆلا باڵیۆزی یەکێتیی ئەورووپا لە عێراق ئەم پرسە گرنگترین بابەتی ناو کۆبوونەوەکە بوو و تیایدا قوباد تاڵەبانی داوایکرد یەکێتیی ئەورووپا هاوکاریی هەرێمی کوردستان و عێراق بکات تا پێکەوە بە پلان و ستراتیژی هاوبەشەوە کاربکەن بۆ رووبەڕووبوونەوەی قەیرانە ژینگەییەکان.

باڵیۆزی یەکێتیی ئەورووپاش ستایشی رۆڵی قوباد تاڵەبانی کرد لە گرنگیدانی بە پرسی ژینگە و رایگەیاند؛ ئامادەن هاوکاری هەردوو حکومەتی هەرێم و حکومەتی فیدراڵ بکەن بۆ چۆنییەتی بەرەنگاربوونەوەی کێشە ژینگەییەکان.