قوباد تاڵەبانی سەرپەرشتیاری سکرتاریەتی سەرۆک مام جەلال لە کۆبوونەوەی لەگەڵ ژمارەیەک لە کەسایەتییە کاکەییەکانی ناوچەکانی موسڵ و هەولێر، کاکەییەکانی بە پێکهاتەیەکی رەسەن و گرنگی کوردستان ناوبرد و رایگەیاند؛ یەکێتیی نیشتمانیی کوردستان پاراستنی کاکەییەکان و داکۆکیکردن لە مافە سەرجەم کەمایەتییەکانی کوردستان بە ئەرکی لە پێشینەی خۆی دەزانێت. قوباد تاڵەبانی بەڵێنیشی پێدان لە نزیکەوە بەدواداچوون بۆ کێشەی مەزار و شوێنە پیرۆزەکانی کاکەییەکان بکات و کێشەکەیان چارەسەر بکات.