جێگری سەرۆکوەزیران لە کۆبوونەوەی لەگەڵ فەهمی بورهان، رایگەیاند: پێویستە هەموو هەوڵەکان بۆ چارەسەرکردنی کێشەی جوتیارانی کەرکوک یەکبخرێت و جەختیشی کردەوە؛ هاوکار و پشتیوانی هەوڵەکان دەبێت و هەرچی پێویست بێت بۆ گەڕاندنەوەی مافی جوتیاران جێبەجێی دەکەن.

هەر لە کۆبوونەوەکەدا قوباد تاڵەبانی ئاماژەیدا بە گرنگی خستنەوەسەرپێی هەنگاوەکانی جێبەجێکردنی مادەی ۱٤٠ی دەستور، بۆ هەردوو مەبەستەکەش سەرۆکی دەستەکەی راسپارد سەردانی بەغداد بکات و لەگەڵ لایەنە پەیوەندیدارەکان کۆببێتەوە.