لە کۆبوونەوەی لەگەڵ ژەنەراڵ ماتیۆ ماکفارلین فەرماندەی گشتیی هاوپەیمانان لە عێراق و سوریا، قوباد تاڵەبانی جەختی کردەوە لەسەر دوورخستنەوەی وەزارەتی پێشمەرگە لە ململانێ و ناکۆکییە سیاسییەکان و بەرپرسانی وەزارەتیش پێویستە لەپێناو جێبەجێکردنی پڕۆژەی چاکسازی و دروستکردنی هێزێکی نیشتمانیی راهێنراو بە شێوەیەکی پیشەیی و بەدوور لە ململانێی سیاسی ئەرکەکانی خۆیان جێبەجێ بکەن.

لەلایەن خۆشیانەوە وەفدەکە دووپاتیان کردەوە کە بەردەوام دەبن لە هاوکاری و هەماهەنگی لەگەڵ هێزەکانی پێشمەرگە.