قوباد تاڵەبانی لە کۆبوونەوەی لەگەڵ تۆرکیڵد بیگ نوێنەری یەکێتیی ئەورووپا لە هەرێمی کوردستان رایگەیاند جگە لە دژەتیرۆری کوردستان هیچ هێزێکی دیکە لە فڕۆکەخانەی عەربەت نەبووە.

جێگری سەرۆکوەزیران ئاماژەی بەوەشدا ئەم رووداوە پێشهاتێکی مەترسیدارە و تیایدا هێزێکی فەرمیی عێراقی و کوردستانی کراوەتە ئامانج، کە بۆ هەموولایەک ئاشكرایە ئەو هێزە لە سەرەتای دامەزراندنییەوە بە درێژایی دوو دەیە هاوکار و هاوپەیمانی سەرەکی هێزەکانی هاوپەیمانان بووە لە شەڕی دژەتیرۆردا.