جێگری سەرۆکوەزیران لە هەردوو کۆبوونەوەکەدا نیگەرانیی خۆی لە ئەگەری پەرەسەندنی ئاڵۆزییەکانی ناوچەکە دەربڕی و داوای کرد حکومەتی فیدراڵ و لایەنە عێراقییەکان بە هەستیارییەوە مامەڵە لەگەڵ ئەم بارودۆخەدا بکەن و رێگە نەدەن ئاسایش و سەقامگیریی عێراق بکەوێتە مەترسییەوە.

قوباد تاڵەبانی ئاماژەی بەوەشدا لە ئەگەری پەرەسەندنی ئاڵۆزییەکاندا، هەموو ناوچەکە زیانی بەردەکەوێت، هەربۆیە پێویستە کۆمەڵگای نێودەوڵەتی و وڵاتانی کاریگەری ناوچەکە لە ڕێگەی دیپلۆماسییەوە هەموو هەوڵەکانیان بخەنەگەڕ بۆ هێورکردنەوەی بارگرژییەکان و رێگریکردن لە تێکچوونی زیاتری سەقامگیریی ناوچەکە.