قوباد تاڵەبانی، جێگری سەرۆکوەزیران سەردانی کونسوڵخانەی ئیماراتی کرد و لەگەڵ ئەحمەد ئیبراهیم ئەلزاهیری، کونسوڵی گشتیی ئیمارات کۆبووەوە و لە کۆبوونەوەکەدا، باس لە چۆنییەتی کاری پێکەوەیی کرا بۆ هاندانی وەبەرهێنەرانی ئیماراتی تا ڕوو لە هەرێمی کوردستان بکەن. لەمبارەیەوە جێگری سەرۆکوەزیران رایگەیاند: حکومەتی هەرێمی کوردستان ئامادەیە هەموو جۆرە کارئاسانییەک پێشکەشی وەبەرهێنەرانی ئیماراتی بکات بە تایبەتیش لە بوارەکانی پیشەسازی و کشتوکاڵ و گەشتوگوزاردا.

لەبارەی پەیوەندییەکانی نێوان هەرێم و بەغداشەوە ئاماژەی بەوەدا هەوڵەکانمان بەو ئاراستەیەدان کە هەموو کێشەکان بەشێوەیەکی بنەڕەتی بەپێی دەستور چارەسەر بکرێن.