قوباد تاڵەبانی، جێگری سەرۆکوەزیران لە کۆبوونەوەی لەگەڵ بنیامین هانا، جێگری کونسوڵی گشتیی ئەڵمانیا رایگەیاند: هەموو هەوڵێکمان بۆ ئەوەیە هەڵبژاردن لە نزیکترین دەرفەت و لە ئەمساڵدا بکرێت.

سەبارەت بە کورسی کۆتاکان، قوباد تاڵەبانی روونی کردەوە کە بێ جیاوازی داکۆکی لە هەموو مافی پێکهاتەکان دەکەین، وتیشی هیچ کاتێک دژی کورسی کۆتای پێکهاتەکان نەبووین و ناشبین، بەڵکو خواست و هەوڵی ئێمە ئەوەیە پێکهاتەکان بتوانن نوێنەرایەتی راستەقینەی خۆیان هەبێت لە پەرلەمانی کوردستان.