جێگری سەرۆکوەزیران رۆژی ١١ی ئۆکتۆبەری ٢٠٢٢ لە کۆبوونەوەی لەگەڵ ئێریک شۆڤالییێ باڵیۆزی فەڕەنسا جەختی کردەوە لەسەر پێویستیی پاراستنی یەکڕیزیی نێوان لایەنە کوردستانییەکان لە بەغدا تا پێکەوە باشتر بتوانن داکۆکی لە مافە دەستورییەکانی هەرێم بکەن.

سەبارەت بە بۆردومانەکانی ئێران و تورکیاش داوایکرد وڵاتی فەڕەنسا لەڕێی کەناڵە دیپلۆماسییەکانەوە رۆڵی زیاتر ببینێت لە پاراستنی سەقامگیریی هەرێمی کوردستان.