لەکۆبوونەوەکەدا کە رۆژی شەممە ٣٠ی ١١ی ٢٠٢٤، لە بارەگای مەکتەبی سیاسیی یەکێتیی نیشتمانیی کوردستان لە سلێمانی لە کەشێکی ئەرێنیدا بەڕێوەچوو، پێکەوە باسیان لەبابەتی قۆناغی پاش هەڵبژاردن کرد و ئەگەرو ئامادەکارییەکانی چۆنییەتی کارکردن بەشێوازێک کە لەبەرژەوەندی خەڵکی کوردستان بێت.

هەر بۆ ئەو مەبەستە هەردوو وەفدی دانوستانکاری پارتی و یەکێتی جەختیان کردەوە لەسەر بەردەوامیدان بە کۆبوونەوەکانی نێوانیان. سەبارەت بە دانیشتنی یەکەمی پەرلەمانی کوردستانیش هەردوولا هاوڕابوون لەبارەی گرنگی بوونی لێکتێگەیشتنی باش بۆ ئەنجامدانی کۆبوونەوەکە.