لە کۆبوونەوەکەدا کە رۆژی سێشەممە (5ی تشرینی دووەمی 2024) بەڕێوەچوو، قوباد تاڵەبانی ستایشی ئەحمەد ئەلزاهری، کونسوڵی گشتیی ئیماراتی کرد لە هەوڵەکانی بۆ پەرەپێدانی پەیوەندییەکانی وڵاتەکەی لەگەڵ هەرێمی کوردستان.

پێکەوەش لەبارەی قۆناغی پاش هەڵبژاردن لە کوردستان و بارودۆخی هەرێمایەتی و نێودەوڵەتی بیروڕایان گۆڕییەوە. قوباد تاڵەبانی جەختی کردەوە ئەوان پلان و بەرنامەی تایبەتیان بۆ قۆناغی ئایندە هەیە و لە هەوڵەکانیشیان بۆ دەستەبەرکردنی کەشێکی سیاسی و تەندروستی حوکمڕانی بەردەوام دەبن.