قوباد تاڵەبانی، جێگری سەرۆکوەزیران لەگەڵ بەڕێوەبەر و سەرۆکی فەرمانگەکانی بەشدار لە پرۆسەی وەبەرهێنان لە پارێزگای سلێمانی کۆبووەوە و دەستخۆشی لێکردن، کە لەماوەی سێ ساڵی رابردوودا زۆرترین پرۆژەیان خستووەتەگەڕ و بە هۆی هەوڵەکانیانەوە سلێمانی لە ماوەکانی رابردوودا پێشەنگ بووە لە وەبەرهێنان.

جەختیشی کردەوە کە دەبێت بەردەوام بن لە هەوڵەکانیان و ئاسانکاری بۆ وەبەرهێنەران بکەن، چونکە ئامانجیانە سلێمانی لە ساڵانی داهاتووشدا هەر بە پێشەنگی بمێنێتەوە.