قوباد تاڵەبانی جێگری سەرۆکی ئەنجوومەنی وەزیران لە شاری سلێمانی پێشوازی کرد لە ڕۆزی کەیڤ کونسوڵی گشتی نوێی بەریتانیا لە هەرێمی کوردستان و لە دیداری نێوانیاندا تیشک خرایە سەر کێشە ناوخۆییەکانی هەرێمی کوردستان و چۆنیەتی چارەسەرکردنیان.

لەبارەی پەیوەندییەکانی هەرێم و بەغدا قوباد تاڵەبانی جەختی لە زاڵبوون بەسەر ئاستەنگ و لەمپەرە ناوخۆیییەکان کردەوە بە مەبەستی داکۆکی لە مافە داراییەکانی هەرێمی کوردستان لە بودجەی 2023 بەو پێیەی شایستەیەکی نیشتمانی سەرجەم پێکهاتە و چین و توێژەکانی هەرێمی کوردستانە.