کۆبوونەوەکە رۆژی (یەکشەمە، ١١ی شوباتی ٢٠٢٤) لە چوارچێوەی هەوڵەکان بۆ یەکخستن و لێکنزیککردنەوەی بۆچوون و هەڵوێستی لایەنە سیاسییەکان سەبارەت بە چۆنییەتی چارەسەرکردنی کێشە سیاسی و ئابورییەکانی کوردستان و ڕووبەڕووبوونەوەی هەڕەشە و مەترسییەکانی بەردەم هەرێمی کوردستان بەڕێوەچوو.

هەردوولا هاوڕابوون لەسەر پێکەوەکارکردنی یەکێتی و گۆڕان لەگەڵ لایەنە سیاسییەکانی دیکە بۆ بەدیهێنانی یەکهەڵوێستی و یەکڕیزی لەسەر پرسە چارەنووسسازەکان، بە تایبەتیش چارەسەرکردنی کێشەی بودجە و مووچەی فەرمانبەران و بەڕێوەچوونی هەڵبژاردنەکانی پەرلەمانی کوردستان لە نزیکترین دەرفەتدا.